Davina Glentyre lifir vernduðu lífi á meðal skosku yfirstéttarinnar í Edinborg sem umbreytist skyndilega í martröð þegar faðir hennar er drepinn og hún er ásökuð um morðið.
Eftir réttarhöldin fær hún á sig dóminn “ekki sannað” ásamt því að vera útilokuð úr samfélaginu og ásótt af hvíslum um morð. Hún ákveður því flýja þvert yfir hnöttinn og byrja nýtt líf í Suður Afríku þar sem hún finnur nýjan styrk og óvænta ást. Samsærið fylgir henni þó eftir yfir hafið og hinn raunverulegi morðingi er aldrei langt undan.
Hverjum getur hún treyst? Og getur hún afhjúpað sannleikann eða verður hún næsta fórnarlambið í banvænum leik græðgi og hefndar?
Victoria Holt er eitt höfundarnafna Eleanor Alice Burford Hibbert. Hún fæddist í Bretlandi árið 1906 og lést 1993 og ritaði um 200 sögulegar skáldsögur um ævina undir hinum og þessum höfundarnöfnum, allt eftir umfjöllunarefni sagnanna. Meðal annarra höfundarnafna hennar eru Jean Plaidy og Philippa Carr. Verk hennar hafa unnið til verðlauna, verið þýdd á fjölda tungumála og hafa selst í yfir 50 milljón eintökum um allan heim.