Liefde in September

Sewe jaar gelede het Dewildt Janine se hart gesteel. Nou steel hy haar erflating, iets wat sy hom nooit sal vergewe nie. Hul bestee egter baie tyd saam en sy besef Dewildt is nie net enige man nie − hy is haar hartsgenoot.

Alta Steyn woon in Pretoria-Oos, saam met haar lieflingkat Jessie. Haar boshuisie, soos sy dit noem, is geleë in die middel van ’n meenthuiskompleks en word omring deur haar eie tuin se natuurskoon. Sy was nog altyd ’n groot dromer en het ’n lewendige verbeelding, veral as dit by die liefde kom. ...